Ethiopia: Xafiiska Caafimadka oo maanta shirkii shaqalaha aad looga amaanay iyo Beeraha oo aad loo dhaleeceeyay

06/08/08
    

Jijiga(Kilil5)---Shirkii shaqaalaha xafiisyada uga socday magaalada jijiga ayaa shalay galinkii dambe

la isugu soo noqday qolka shirarka ee sayid maxamed cabdule xasan halkaas oo dhawr xafiis oo kale

lagu gam-gameeyay, sida xafiiska dakhliga, xafiiskan ayaa dhaliilbadan loo soo jeediyay shaqaalihiisa

marka laga reebo madax-xafiiska oo isagu ku badbaaday inuu xafiiska ku cusbaa oo dhawaan uun loo

dhiibay. shirkan ayaa xalay maqribkii kadib la isugu soo laabtay hadana iyadoo shaqaalaha xafiisyada

shan-shan xafiis la isu raacinaayay dabadeed gaar gaar iyo shakhsi-shakhsi loo fashilinaayay waa

dhanka horumarka iyo waxqabadka shaqaalaha.

shaqaalahan gaarka loo gam-gamaynaayay ayaa waxaa kamid ah madaxda xafiisyada, agaasinada,

madax-kooxeedyada iyo khabiirada waxaana lagu qiimaynaayay shida uu shaqaaluhu uguto

waajibaadkiisa iyo inay ka go'antahay wax uqabadka umadiisa. waxaa saaka maalinkii sadexaad uu

shirku ka soconaayay isla hoolkii shirarka waxaana qiimayn lagu sameeyay xafiiska xoolaha iyo dalaga

beeraha halkaas oo eedayn iyo dhaleecan badan loosoo jeediyay madaxa xafiiskaas mudane

Abdirashid shariif oo lagu eedeeyay inuu hantidii dawlada ku takri falay iyo in uu xafiisku hanti

gawaadhi uu lahaa ka iibiyay ganacsato gaara. waxaa kale oo madaxa xafiiska iyo maamul iyo

lacagtaba lagu soo eedeeyay inay lunsadeen daawooyin xoolo iyo beeraba kana iibiyeen shakhsiyaad

gaara qaarna somaliland loo dhoofiyay.

Waxaa sidoo kale maanta qiimayn lagu sameeyay xafiiska Caafimaadka, waxaana xafiiskaas si adag u

difaacay isaga iyo shaqaalihiisaba madaxa xafiiskaas mudane Dr. Axmed oo si guud iyo sigaaraba uga

sheekeeyay waxqabadka xafiiskiisa iyo shaqaalihiisaba, waxaana Dr. ka aad loogu amaanay sida wayn

ee uu wax uga badalay shaqada xafiiskiisa mudadii labada sano ahayd ee uu xilka hayay. shir

gudoonkiina iyo guriiba waxay isla qaateen xafiiskani inuu yahay kan ugu shaqada fiican kililkeena

mudadii uu hayay Dr Axmed. waxaase la filayaa sidoo kale in madaxa xafiiska Beeraha in isna talaabo

laga qaadi doono sida ugu dhakhsaha badana xilka looga wareejindoono.

Jijiga
Kilil5 Online